भाजपाध्यक्ष अमित शहा लालबागच्या राजाच्या दर्शनाला !
मुंबई : भाजपाचे राष्ट्रीय अध्यक्ष अमित शहा आज शुक्रवारी एक दिवसाच्या मुंबई भेटीवर येत असून, मुंबईतील लालबागचा राजासह,सार्वजनिक गणेश मंडळांना भेट देवून गणपतीचे दर्शन घेणार आहेत.
भाजपाचे राष्ट्रीय अध्यक्ष अमित शहा हे दरवर्षी मुंबईतील प्रसिध्द अशा लालबागच्या राजाचे दर्शन घेतात. आज शुक्रवारी दुपारी १२ वाजता त्यांचे छ. शिवाजी महाराज आंतरराष्ट्रीय विमानतळावर आगमन होणार आहे. मुंबई भाजपाचे अध्यक्ष आशिष शेलार यांच्या घरगुती गणपतीचे दर्शन घेतल्यानंतर ते मुंबईतील प्रसिध्द अशा लालबागच्या राजाचे दर्शन घेणार आहेत.आपल्या एक दिवसाच्या मुंबई भेटीत ते सिध्दिविनायक मंदिरासह, काही महत्वाच्या सार्वजनिक गणेशोत्सव मंडळांना भेटी देवून गणपतीचे दर्शन घेणार आहेत. त्यांचा हा दौरा केवळ गणपती दर्शन असा असल्याने विविध ठिकाणच्या गणपतींचे दर्शन घेतल्यानंतर रात्री दिल्लीला रवाना होणार आहेत.
