निवडणूकीच्या तोंडावर मिलिंद नार्वेकरांनी घेतली भुजबळांची भेट !
मुंबई : विधानपरिषदेच्या सहा जागांसाठी उद्या सोमवारी मतदान होत असून, या निवडणूकीच्या तोंडावर शिवसेनेचे सचिव मिलिंद नार्वेकरांनी आज लिलावती रूग्णालयात उपचार घेत असलेले राष्ट्रवादीचे नेते छगन भुजबळ यांची भेट घेवून सुमारे पाऊण तास चर्चा केली.
विधानपरिषदेच्या सहा जागांसाठी उद्या सहा जागांसाठी मतदान होत आहे.नाशिक मध्ये शिवसेना विरूध्द राष्ट्रवादी अशीच लढत होत आहे.या ठिकाणी शिवसेनेचे नरेंद्र दराडे आणि राष्ट्रवादीचे शिवाजी सहाणे यांच्यात सामना होत आहे.याच पार्श्वभूमीवर आज शिवसेनेचे सचिव मिलिंद नार्वेकरांनी लिलावती रूग्णालयात उपचार घेत असलेले राष्ट्रवादीचे नेते छगन भुजबळ यांची भेट घेवून सुमारे पाऊण तास चर्चा केली. ही भेट भुजबळांच्या प्रकृतीची चौकशी करण्यासाठी होती असे सांगितले जात असले तरी मतदानाच्या आदल्या दिवशी घेतलेल्या या भेटीमुळे राजकीय वर्तुळात अनेक चर्चांना उधाण आले आहे.तर दुसरीकडे पालघरच्या लोकसभा निवडणूकीत शिवसेनेने भाजपला टक्कर देण्यासाठी श्रीनिवास वनगा यांना उमेदवारी दिल्याने याचा वचपा काढण्यासाठी नाशिकमध्ये राष्ट्रवादीच्या उमेदवाराला भाजपने पाठिंबा दिल्याची चर्चा आहे.
