राष्ट्रवादीच्या राष्ट्रीय चिटणीसपदी आमदार हेमंत टकले
मुंबई : राष्ट्रवादी काँग्रेस पक्षाचे कोषाध्यक्ष आमदार हेमंत टकले यांची राष्ट्रीय चिटणीसपदी नियुक्ती करण्यात आली आहे.पक्षाचे राष्ट्रीय अध्यक्ष शरद पवार यांनी आ.टकले यांच्याकडे आणखी एक महत्वपूर्ण जबाबदारी सोपवली आहे.
आमदार हेमंत टकले हे राजकारण आणि सामाजिक,साहित्यिक,सांस्कृतिक क्षेत्रात कार्यरत आहेत.विधान परिषद सभागृहामध्ये वेगवेगळया विषयांवर प्रभावी मांडणी करणे आणि त्या विषयाचे गांभीर्य सरकारपर्यंत पोचवण्याचा त्यांचा विशेष हातखंडा आहे. कला-साहित्य-सांस्कृतिक क्षेत्रातील दांडगा अनुभव त्यांच्या पाठिशी आहे. राष्ट्रवादीच्या मासिकामध्ये शेवटच्या पानावर त्यांचे विशेष ‘सदर’ सुरु आहे. विधान परिषदेमध्ये पक्षाचे मुख्य प्रतोद म्हणूनही ते काम करत आहेत. राष्ट्रवादी काँग्रेसच्या नॅशनल रिलीफ फंडचे प्रमुख आणि राष्ट्रवादी वेल्फेअर ट्रस्टचे कार्यकारी विश्वस्त म्हणूनही ते सध्या काम पहात आहेत.
