राज्याची आर्थिक सामाजिक परिस्थिती सुधारु दे !
लालबागच्या राजाकडे दादा-ताईंचे साकडे
मुंबई : महाराष्ट्राची आर्थिक,सामाजिक परिस्थिती सुधारु दे असे साकडे राष्ट्रवादी काँग्रेसचे विधीमंडळ पक्षनेते अजित पवार आणि खासदार सुप्रिया सुळे यांनी आज लालबागच्या राजाला घातले.
राष्ट्रवादीचे नेते अजित पवार आणि खासदार सुप्रिया सुळे यांनी आज सहकुटुंब लालबागचा राजा आणि सिध्दीविनायकाचे दर्शन घेतले. यावेळी अजित पवार यांच्या पत्नी सुनेत्रा पवार तसेच सुप्रिया सुळे यांचे पती सदानंद सुळे उपस्थित होते. राज्य आज आर्थिक संकटात आले आहे, महागाई वाढली आहे, राज्यातील कायदा-सुव्यवस्थेचे तीन-तेरा वाजले आहेत. बलात्कार,महिला अत्याचाराचे प्रमाण मोठया प्रमाणात वाढ झाली आहे. राज्यात रोज नवीन भ्रष्टाचार बाहेर येत आहेत अशा परिस्थितीत राज्याला सावरण्याची गरज आहे. लालबागच्या राजाच्या चरणी नतमस्तक होत राज्यातली परिस्थिती नीटनेटकी होवो अशी प्रार्थना राज्यातील जनतेच्या वतीने अजित पवार आणि सुप्रिया सुळे यांनी केली.
