बाळासाहेब थोरातांनी घेतली सोनिया गांधींची भेट
मुंबई नगरी टीम
मुंबई : काँग्रेसचे प्रदेशाध्यक्ष आ. बाळासाहेब थोरात यांनी आज नवी दिल्ली येथे काँग्रेस अध्यक्ष सोनिया गांधी यांची भेट घेतली.या भेटीत प्रदेशाध्यक्षांनी राज्यातील पूरस्थिती आणि विदर्भ, मराठवाड्यातील दुष्काळी परिस्थितीची माहिती सोनिया गांधी यांना दिली.
महाराष्ट्र प्रदेश काँग्रेस कमिटीचे अध्यक्ष आ. बाळासाहेब थोरात यांनी आज काँग्रेस अध्यक्ष सोनिया गांधी यांची १०, जनपथ या दिल्लीतील निवासस्थानी भेट घेतली. या भेटीत त्यांनी राज्यातील पूरस्थिती आणि विदर्भ, मराठवाड्यातील दुष्काळी परिस्थितीची माहिती सोनिया गांधी यांना दिली. यावेळी त्यांच्यासोबत अखिल भारतीय काँग्रेस कमिटीचे सरचिटणीस के. सी. वेणूगोपाल, महाराष्ट्र प्रदेश काँग्रेस कमिटीचे कार्याध्यक्ष डॉ. नितीन राऊत, आ. बसवराज पाटील, आ. यशोमती ठाकूर, मुजफ्फर हुसेन उपस्थित होते.
