आम्ही टाकळीकर करणार ऐतिहासिक बारवेचे सुशोभिकरण!
मुंबई दि.21 पारनेर तालुक्यातील (जि.अ.नगर) टाकळी ढोकेश्वर येथील विविध क्षेत्रात कार्यरत भूमिपुत्रांनी तीन वर्षापूर्वी सुरु केलेल्या आम्ही टाकळीकर ग्राम विकास प्रतिष्ठानने दिवाळी पाडव्याचा योग साधून गावाला पाणीपुरवठा करणाऱ्या ऐतिहासिक बारवेचे सुशोभिकरण व सुरक्षा ग्रामपंचायतच्या सहकार्याने करण्याचा निर्णय घेतला आहे.
या कामाचा शुभारंभ प्रथम नागरिक सरपंच सुनीताताई झावरे,माजी सरपंच सीताराम खिलारी,सेवा सोसायटीचे चेअरमन बबनराव पायमोडे,उपसरपंच बाबासाहेब खिलारी,बाजार समितीचे जेष्ठ संचालक अशोकशेठ कटारिया,उपसभापती विलास झावरे,संचालक राजू भंडारी व आम्ही टाकळीकर ग्राम विकास प्रतिष्ठाचे अध्यक्ष् डॉ.बाळासाहेब बांडे यांच्यासह गावातील प्रमुख मान्यवरांच्या हस्ते झाला.
यावेळी आम्ही टाकळीकर ग्राम विकास प्रतिष्ठाचे अध्यक्ष् डॉ.बाळासाहेब बांडे यांनी आम्ही टाकळीकर ग्रुपने केलेल्या व करणार असलेल्या कामांची माहिती दिली.पहिल्या वर्षी जलशुद्धीकरण,दुसऱ्या वर्षी सुलभ शौचालय व अमरधाम परिसर सुशोभिकरण,तिसऱ्या वर्षी मराठी शाळा सुशोभिकरण व स्पर्धा मार्गदर्शन केंद्र व आता चौथ्या वर्षी बारव सुशोभिकरण व सुरक्षा हे काम हाती घेतले आहे. या सर्व कामात ग्रामपंचायत व सर्व ग्रामस्थ मोलाचे सहकार्य करत असल्यामुळे ही कामे होत आहेत. भविष्यात आम्ही टाकळीकर ग्रुपच्या माध्यमातून पार्किंग,कचरा,आरोग्य,शेती यासारख्या मुलभूत प्रश्न सोडवले जातील,असे डॉ.बांडे म्हणाले.
यावेळी सरपंच सुनीताताई झावरे,सीताराम खिलारी,अशोकशेठ कटारिया,रावसाहेब झावरे,बबनराव पायमोडे,ग्राम विकास अधिकारी संपत दातीर,जयसिंग झावरे,बाळासाहेब खिलारी,पत्रकार भिकाजी धुमाळ,दादा भालेकर,विजय गायकवाड,गंगाराम बांडे यांनी आपले विचार मांडले.
यावेळी जेष्ठ पत्रकार देविदास आबुज यांनी संपादीत केलेल्या पारनेर दर्शन दिवाळी अंकांचे प्रकाशन करण्यात आले. तसेच जिल्हा प्राथमिक शिक्षक बँकेचे चेअरमन रावसाहेब रोहकले यांना सहकार महर्षी,तर ग्रामीण अपंग केंद्राचे संचालक रावसाहेब झावरे यांना रोटरीचा शिल्पकार पुरस्कार मिळाल्याबद्दल सत्कार करण्यात आला.
कार्यक्रमास आम्ही टाकळीकरचे विश्वस्त देवराम इघे,संदीप कोरडे,डॉ.गिरीश गायकवाड, माजी सरपंच शिवाजी खिलारी,भाऊसाहेब झावरे,सावली प्रतिष्ठानचे अध्यक्ष डॉ. भाऊसाहेब खिलारी,सचिव संतोष सोनावळे,उपाध्यक्ष प्रताप खिलारी,खजिनदार संदीप खिलारी,सुरेश निवडूंगे,आदिनाथ पायमोडे,गणेश चव्हाण,डॉ.सुनील खेडकर,विजय कटारिया,भाऊसाहेब लोंढे,सुनील गोरडे,पोपट अल्हाट,रामाभाऊ तराळ,नितीन अल्हाट,मळीभाऊ रांधवन,अण्णा शिंदे,नारायण शेळके,बाळासाहेब कावरे,आबा गायकवाड,रविंद्र पायमोडे,दिगंबर शेळके,संजय झावरे,बापू रांधवन,धनजय अल्हाट आदीसह ग्रामस्थ मोठ्या संख्येने उपस्थित होते.आम्ही टाकळीकर ग्राम विकास प्रतिष्ठानचे सचिव,पत्रकार चाँद शेख यांनी सूत्रसंचालन केले. स्वागत व प्रास्तविक खजिनदार बापू कटारिया यांनी केले. उपाध्यक्ष विलास गोसावी यांनी आभार मानले.
