“आशिकी” फेम राहुल राॅय भाजपमध्ये
मुंबई दि.१८ “आशिकी” या चित्रपटामुळे प्रसिध्दीस आलेला अभिनेता राहुल रॉयने आज केंद्रीय मंत्री विजय गोयल यांच्या उपस्थितीत भाजपमध्ये प्रवेश केला.
आजचा दिवस हा माझ्या आयुष्यातला महत्त्वाचा दिवस असल्याचे सांगत राहुल राॅयने भाजपचे आभार व्यक्त केले. पंतप्रधान नरेंद्र मोदी आणि अमित शाह ज्या पध्दतीने आपल्या देशाला विकासाच्या दिशेने घेवून चालले आहेत, आणि ज्याप्रकारे गेल्या दोन तीन वर्षात जगाचा भारताकडे पाहण्याचा दृष्टीकोन बदलला आहे, ते खरोखरच उल्लेखनीय आहे. भाजप पक्षात प्रवेश करण्याचा निर्णय घेऊन मी समाधानी आहे’ असेही राहुल रॉयने सांगितले. पक्ष जी जबाबदारी सोपवेल, ती पार पाडण्याची तयारीही असल्याचे त्याने स्पष्ट केले.१९९९ मध्ये वयाच्या २२ व्या वर्षी राहुल रॉयने ‘आशिकी’तून चित्रपट क्षेत्रामध्ये पदार्पण केले होते. त्यानंतर त्याने जुनून, फिर तेरी कहानी याद आयी यासारख्या सिनेमातही अभिनय केला आहे.
