राष्ट्रवादीला धक्का ; रणजितसिंह मोहिते भाजपात जाणार
मुंबई नगरी टीम
अकलुज : विरोधी पक्ष नेते राधाकृष्ण विखे पाटील यांचा मुलगा सुजय विखे पाटील यांनी काँग्रेसला धक्का देत भाजपात प्रवेश केल्यानंतर आता माढाचे खासदार विजयसिंह मोहिते पाटील यांचे चिरंजीव रणजितसिंह मोहिते पाटील यांनी भाजपात जाण्याचा निर्णय घेतला आहे.हा राष्ट्रवादी काँग्रेसलाही मोठा धक्का मानला जात आहे
रणजीतसिंह मोहिते पाटील हे उद्या मुख्यमंत्री देवेंद्र फडणवीस यांच्या उपस्थितीत भाजपात प्रवेश करणार आहेत. हा राष्ट्रवादीला मोठा धक्का मानला जात आहे. विद्यमान खासदार विजयसिंह मोहिते पाटील यांनी या निर्णयाला अप्रत्यक्ष पाठिंबा दिला असल्याने आता काँग्रेसपाठोपाठ राष्ट्रवादीलाही खिंडार पडल्याची चर्चा राजकीय वर्तुळात रंगली आहे.
