मुंबई नगरी टीम
मुंबई । राष्ट्रवादी काँग्रेसचे अध्यक्ष शरद पवार यांना कोरोनाची लागण झाली आहे.याची माहिती त्यांनी ट्विटरच्या माध्यमातून दिली आहे.सध्या पवार हे होम क्वारंटाईन आहेत त्यांची प्रकृती बरी आहे अशी माहिती राष्ट्रवादी काँग्रेसचे मुख्य राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली.
माझी कोविड टेस्ट पॉझिटिव्ह आली असून डॉक्टरांच्या सल्ल्यानुसार मी उपचार घेत आहे. काळजीचे कोणतेही कारण नाही.
गेल्या काही दिवसांपासून माझ्या संपर्कात आलेल्या सर्वांना विनंती की त्यांनी योग्य चाचण्या करून आवश्यक ती खबरदारी घ्यावी.— Sharad Pawar (@PawarSpeaks) January 24, 2022
राष्ट्रवादी काँग्रेसचे अध्यक्ष शरद पवार यांचा कोरोना अहवाल सकारात्मक आला आहे. पवार यांनी याची माहिती स्वत: दिली आहे. डॉक्टरांच्या सल्ल्याने पवार यांच्यावर उपचार सुरू असून, गेल्या दोन- तीन दिवसात संपर्कात आलेल्यांनी स्वतःची कोरोना चाचणीकरावी, असे आवाहन पवार यांनी केले आहे. पवार यांना कोरोनाची लागण झाल्याने पुढील ७ दिवसाचे त्यांचे नियोजित कार्यक्रम रद्द करण्यात आले आहेत. पवार यांचा कोरोना अहवाल नकारात्मक आल्यानंतर पुन्हा नियोजित कार्यक्रम होतील असेही मलिक यांनी सांगितले.दरम्यान पंतप्रधान नरेंद्र मोदी यांनी पवार यांच्या प्रकृतीची विचारपूस करण्यासाठी फोन केला होता.
