मुंबई नगरी टीम
मुंबई । बुलडाण्याचे शिवसेना आमदार संजय गायकवाड यांनी विरोधी पक्षनेते देवेंद्र फडणवीस यांच्यावर केलेल्या वादग्रस्त वक्तव्याला भाजपचे आमदार नितेश राणे यांनी सडेतोड उत्तर दिले आहे.पहिला प्रयोग तुझ्या घर कोंबड्या मुख्यमंत्र्यावर कर, अशा शब्दात राणे यांनी शिवसेनेवर प्रहार केला आहे.
देवेंद्रजींच्या जवळ जाणे हे तर लांबच राहिले..
हे या गायकवाडला कोण सांगेल..
पहिला प्रयोग तुझ्या घर कोंबडा मुख्यमंत्र्यावर कर आणि मग बाकीचे बघू..
जंतू पार्सल पाठवतो मातोश्री वर..
कुठे घालायची तिथे घाल..— nitesh rane (@NiteshNRane) April 18, 2021
बुलडाण्याचे शिवसेना आमदार संजय गायकवाड यांनी माजी मुख्यमंत्री आणि विरोधी पक्षनेते यांच्याविषयी वादग्रस्त विधान केले आहे.मला जर कोरोनाचे जंतू सापडले असते,तर मी विरोधी पक्षनेते देवेंद्र फडणवीस यांच्या तोंडात कोंबून टाकले असते असे वक्तव्य आ.गायकवाड यांनी करून,एकेरी भाषेचा वापर करत विरोधी पक्षनेते देवेंद्र फडणवीस,भाजपचे प्रदेशाध्यक्ष चंद्रकांत पाटील आणि विधानपरिषदेतील विरोधी पक्षनेते प्रविण दरेकर यांच्यावर निशाणा साधला आहे.गायकवाड यांच्या या वक्तव्यांचा खरपूस समाचार भाजपचे आमदार नितेश राणे यांनी ट्विट करून घेतला आहे.देवेंद्रजीच्या जवळ जाणे हे तर लांबच राहिले…हे गायकवाडला कोण सांगेल…पहिला प्रयोग तुझ्या घर कोंबड्या मुख्यमंत्र्यावर कर…आणि मग बाकीचे बघू… जंतू पार्सल पाठवतो मातोश्रीवर..कुठे घालायची तिथे घाल. अशा शब्दात आमदार राणे यांनी गायकवाड यांच्यावर प्रहार करतानाच शिवसेनेवर हल्ला चढविला आहे.
