मुंबई नगरी टीम
मुंबई । मालाडमध्ये मंत्री असल्म शेख यांच्यावतीने साकारण्यात आलेल्या उद्यानाला टिपू सुलतानचे नाव दिल्याने आज भाजपा,विहिंप,बजरंग दलाकडून आंदोलन करण्यात आले.त्यावरून आता विरोधक आणि सत्ताधारी आमने सामने उभे ठाकले आहेत.तर क्रीडासंकुलाला टिपू सुलतानचे नाव देण्याचा कार्यक्रम पोलिस संरक्षणात केल्याने हा सत्तेसाठी निर्लज्जतेचा कळस असल्याची टीका विरोधी पक्षनेते देवेंद्र फडणवीस यांनी केली आहे.
सत्तेसाठी निर्लज्जतेचा कळस…
मालाड येथील क्रीडासंकुलाला टिपू सुलतानचे नाव देण्याचा कार्यक्रम पोलिस संरक्षणात
आणि
हिंदूंवर अनन्वित करणार्‍या टिपू सुलतानचे नाव न देण्याच्या मागणीसाठी आंदोलन करणार्‍या भाजपा,विहिंप,बजरंग दल कार्यकर्त्यांवर लाठीमार-अटक!
तीव्र निषेध❗️❗️❗️#Mumbai https://t.co/VsSj6u7zhR
— Devendra Fadnavis (@Dev_Fadnavis) January 26, 2022
मालाडमध्ये क्रिडा संकुलाला टिपू सुलतानचे नाव दिल्याने राजकीय वातावरण चांगलेच तापले आहे.याविरोधात आज भाजप, विहिंप,बजरंग दलाने तीव्र आंदोलन केले.यावेळी अनेक भाजप नेत्यांसह कार्यकर्त्यांना पोलिसांनी ताब्यात घेतले.पोलिसांच्या या कारवाईवरून विरोधी पक्षनेते देवेंद्र फडणवीसांनी यांनी महाविकास आघाडी सरकारवर निशाणा साधला आहे.मालाड येथील क्रीडासंकुलाला टिपू सुलतानचे नाव देण्याचा कार्यक्रम पोलिस संरक्षणात हा सत्तेसाठी निर्लज्जतेचा कळस असून,हिंदूंवर अनन्वित करणा-या टिपू सुलतानचे नाव न देण्याच्या मागणीसाठी आंदोलन करणा-या भाजपा,विहिंप,बजरंग दल कार्यकर्त्यांवर लाठीमार-अटक ! तीव्र निषेध असे ट्विट करीत त्यांनी सत्ताधा-याना खडसावले आहे.
