विजयसिंह मोहिते पाटलांना राज्यसभेवर पाठविणार
मुंबई नगरी टीम
अकलूज : माढा लोकसभा मतदारसंघातुन निवडणुक लढविण्याची घोषणा केल्यानंतर राष्ट्रवादीचे अध्यक्ष शरद पवार यांनी माढ्याचे विद्यमान खासदार विजयसिंह मोहिते पाटील यांना राज्यसभेवर पाठविणार असल्याचे आज सांगितले.
शरद पवार यांनी माढ्यातुन लोकसभा निवडणुक लढविण्याची घोषणा केल्यानंतर सध्या ते मतदार संघात गाटीभेटी घेत आहेत.आपल्या मतदार संघात कार्यकर्त्यांचा मेळावा घेण्यावर भर दिल्या नंतर आज पवार यांनी करमाळासह अकलूजला भेट दिली. अकलूज येथे आज मेळाव्याचे आयोजन करण्यात आले होते़. त्यानंतर आयोजित करण्यात आलेल्या पत्रकार परिषदेत शरद पवार यांनी ही घोषणा केली. माढ्यातुन आपण लोकसभेची निवडणुक लढविणार आहात मग विद्यमान खासदारांनाचे राजकीय पुनर्वसन कसे करणार असा प्रश्न पत्रकारांनी पवार यांना विचारला असता ‘माझ्या जागेवर विजयदादांना राज्यसभेवर पाठविणार’ अशी घोषणा त्यांनी यावेळी केली. त्यात बरोबर राधाकृष्ण विखे पाटील यांचे पुत्र सुजय विखे पाटील यांनी प्रतिष्ठेची केलेली अहमदनगर लोकसभेची जागा काँग्रेसला सोडणार असल्याचे जाहीर केले. पवार यांनी आजच्या पत्रकार परिषदेत भाजप सरकारच्या कारभारावर टीकास्त्र सोडले.
