वाढदिवस साजरा करू नका : मुख्यमंत्र्यांचे आवाहन
मुंबई नगरी टीम
मुंबई : २२ जुलै रोजी असलेला आपला वाढदिवस भाजपाचे लोकप्रतिनिधी तसेच कार्यकर्त्यांनी कोणताही बडेजावपणा करून साजरा करू नये, असे आवाहन मुख्यमंत्री देवेंद्र फडणवीस यांनी केले आहे.
आपल्या वाढदिवसानिमित्त कुठेही होर्डिंग, बॅनर्स, जाहिराती दिसणार नाहीत, हे प्रत्येक आमदार, खासदार, पदाधिकारी, कार्यकर्त्यांनी सुनिश्चित करावे. जल्लोषाचे कोणतेही कार्यक्रम आयोजित करू नयेत. जे कुणी असे करताना आढळतील, त्यांच्यावर रितसर पक्षातर्फे कारवाई करण्यात येईल. वाढदिवसानिमित्त ज्या कुणाला खर्च करण्याची इच्छा असेल त्यांनी तो निधी मुख्यमंत्री सहायता निधीसाठी योगदान म्हणून द्यावा, असेही आवाहन मुख्यमंत्री देवेंद्र फडणवीस यांनी केले आहे.
