खूशखबर : राज्य शासकीय कर्मचा-यांच्या महागाई भत्त्यात ५ टक्क्यांनी वाढ
मुंबई नगरी टीम
मुंबई : राज्य सरकारी कर्मचा-यांच्या महागाई भत्त्यात वाढ करण्याचा निर्णय राज्य सरकारने आज घेतला असून,मूळ वेतनावरील असणा-या महागाई भत्त्याचा दर १२ टक्क्यांवरून १७ टक्के करण्यात आला आहे.आज वाढविण्यात आलेला ५ टक्के महागाई भत्ता वाढ १ डिसेंबर 2019 पासून रोखीने देण्यात येणार आहे.
राज्य शासकीय कर्मचारी व इतर पूर्णकालिन कर्मचा-यांच्या महागाई भत्त्याच्या दरात सुधारणा करण्याचा विचार राज्य सरकारचा होता.त्यानुसार राज्य शासकीय कर्माचा-यांच्या महागाई भत्त्यात ५ टक्के वाढ करण्याचा निर्णय आज राज्य सरकारने घेतला आहे.यापूर्वी शासकीय कर्मचा-यांना १२ टक्के एवढा महागाई भत्ता देण्यात येत होता.आता त्यामध्ये ५ टक्क्यांनी वाढ केल्याने आता तो १७ टक्क्यांवर गेला आहे.त्यासंदर्भातील शासन निर्णय आज जारी करण्यात आला आहे.सदर महागाई भत्ता वाढ १ डिसेंबर २०१९ पासून रोखीने देण्यात येईल.तसेच १ जुलै २०१९ ते ३० नोव्हेंबर २०१९ या पाच महिन्याच्या कालावधीतील महागाई भत्त्याच्या थकबाकीबाबत स्वतंत्रपणे आदेश जारी करण्यात येणार आहे.
