छगन भुजबळांच्या प्रचार सभेला राज्यात डिमांड
मुंबई नगरी टीम
नाशिक : माजी उपमुख्यमंत्री तथा राष्ट्रवादी काँग्रेसचे स्टार प्रचारक छगन भुजबळ हे दि. १३ एप्रिल ते १५ एप्रिल तीन दिवस जळगाव, बुलढाणा, नांदेड, उस्मानाबाद, हातकणंगले, अहमदनगर आणि बारामती लोकसभा मतदारसंघाच्या दौऱ्यावर असून राष्ट्रवादी कॉंग्रेस, कॉंग्रेस मित्रपक्षांच्या आघाडीचे उमेदवारांच्या आयोजित प्रचार सभा मध्ये मार्गदर्शन करणार आहे.
शनिवार १३ एप्रिल रोजी ४ वाजता कोळगांव, ता.भडगांव,जि.जळगांव येथे जळगांव लोकसभा मतदारसंघाचे उमेदवार गुलाबराव देवकर यांच्या प्रचारार्थ तर सायंकाळी ७ वाजता जळगाव जामोद जि. बुलढाणा येथे बुलढाणा लोकसभा मतदारसंघाचे उमेदवार डॉ.राजेंद्र शिंगणे यांच्या प्रचारार्थ आयोजित सभामध्ये मार्गदर्शन करणार आहेत.
रविवार दि.१४ एप्रिल रोजी नांदेड लोकसभा मतदारसंघाचे उमेदवार अशोक चव्हाण यांच्या पर्चारार्थ ११ वाजता भोकर, जि.नांदेड येथे तर २ वाजता उमरी, जि.नांदेड येथे आयोजित सभेत मार्गदर्शन करणार आहे. त्यानंतर सायंकाळी ६.३० वाजता उस्मानाबाद लोकसभा मतदारसंघाचे उमदेवार आ.राणा जगजीतसिंह पाटील यांच्या प्रचारार्थ वैराग,ता.बार्शी,जि.सोलापूर येथे आयोजित सभेत मार्गदर्शन करणार आहे.
सोमवार दि.१५ एप्रिल रोजी सकाळी ११ वाजता जयसिंगपूर,जि.कोल्हापूर येथे हातकणंगले लोकसभा मतदारसंघाचे उमदेवार खा.राजू शेट्टी यांच्या प्रचारार्थ आयोजित सभेत मार्गदर्शन करणार आहे. सायंकाळी ४ वाजता श्रीगोंदा,जि.अहमदनगर येथे अहमदनगर लोकसभा मतदारसंघाचे उमदेवार संग्राम जगताप यांच्या प्रचारार्थ आयोजित सभेत मार्गदर्शन करणार आहे. त्यानंतर सायंकाळी ६.३० वाजता पुरंदर येथे बारामती लोकसभा मतदारसंघाच्या उमेदवार खा.सुप्रियाताई सुळे यांच्या प्रचारार्थ आयोजित सभेत मार्गदर्शन करणार आहे.
