राजेंद्र गावीतांनी डहाणू तालुका पिंजून काढला
मुंबई नगरी टीम
पालघर : लोकसभा मतदारसंघातील महायुतीचे उमेदवार राजेंद्र गावीत यांनी आज डहाणू तालुक्यात सुमारे २० ते २५ गावांना भेटी देवून या भागाचा झंझावती दौरा केला.
गावीत यांनी आज डहाणू तालुक्यातील चिंचणी, वरोरा, वाडवण, डाहाणू खाडी, आसनगाव, महालक्ष्मी सह जवळपास २० ते २५ गावांमध्ये प्रचार दौरा केला. यावेळी पालघर लोकसभा मतदारसंघातील युतीचे उमेदवार गावीत यांच्यासह वैभव संख्ये, अशोक भोईर, भाजपाचे सुजित पाटील, विवेक कोरे, विलास पाटील, आदी महायुतीचे पदाधिकारी उपस्थित होते. यावेळी पालघर ग्रामिण भागात गावीत यांनी मतदार आणि नागरिकांचा चांगला प्रतिसाद मिळाल्याचे चित्र होते.
